. ශ්රී ලංකා නීතිය සිවිල් හා අපරාධ නීතිය යනුවෙන් කොටස් දෙකකට බෙදෙයි.අපරාධ
නීතිය වරදවල් සම්බන්ධයෙන් ක්රීයා කරන නීතිය යනුවෙන් අපට නිර්වචනය කළ හැකිය.මෙම
ලිපිය නීතිය පිළිබදව හදුන්වා දෙන ලිපියක් නොවේ. නමුත් ඔබට කියන්නට යන කථාවේ
ආරම්භයත් අවසානයත් බැදී ඇත්තේ ලංකාවේ අපරාධ නීතියත් ඒ යටතේ ලංකාවේ මිනිසුන්ගේ
අපරාධ මැඩ පවත්වන පොලිස් නිලධාරීන් පිළිබදවත්ය.සිවිල් හා අපරාධ නීතිය යටතේ ලංකාවේ
සාමය සුරකින පොලිස්සිය නීතිය අතට ගෙන තමන්ට උවමනා ආකාරයට ක්රීයා කළ සිද්ධි දහස්
ගණනක් අපට අසන්නට දකින්නට ලැබේ. ඇමතිවරුන් හා බලය තිබෙන මිනිසුන්ගේ වැරදි රටට හෙළි
කර ඒ පිළිබදව නීතීය ක්රියාත්මක කරන ශ්රී ලංකා පොලිස්සියම ඇමතිවරුන් හා
බලකාරයින්ගේ වැරදී සගවා ඔවුන්ට සැලියුට් ගසයි. අසරණ මහජනයාට නීතිය මගින් සාධාරණය
ඉටු කර දෙන පොලිස්සියේ නිලධාරීන්ම අනෙක් පසින් මහජනයාගේ අසරණකම ස්වකීය ප්රයෝජනයට
ගෙන ඔවුන් තව තවත් අසරණ කරයි. මෙය ශ්රී ලංකා පොලිස්සියේ එදා සිට අද දක්වා මේ රටේ
සමාජයට පෙනුනු දෙබිඩි පිළිවෙතයි.පුද්ගලයින් සමග ඇති පුද්ගලික ගැටළු නිල ඇදුමේ බලය
ප්රයෝජනයට ගෙන විසදගන්නා පොලිස් නිලධාරීන්ද බහුතරයක් සිටී. මේ කථා කරන්නට යන්නේ
අනාගතය පිළිබදව දහසකුත් සිහින මවාගෙන සිටි අහිංසක පාසැල් සිසුවෙකුගේඒ සිහින සියල්ල
සුනු විසුනු කර දැමීමට ලංකාවේ නීතිය සුරකින පොලිස් නිලධාරීන් පිරිසක් ක්රියා
කිරීමක් ගැනය. මෙය සිදු වූයේ ජනවාරි මස 28 වන ඉරු දිනය.
මලිත් විජේරත්න
පානදුර රාජකීය විද්යාලයට ඇතුලු වන්නේ උසස් පෙළ කිරීම සදහායි.ඔහු තෝරා ගන්නේ ජීව
විද්යා අංශයයි. ඒ ඔහුට වෛද්යවරයෙකු වීමට ඇති සිහිනය නිසාය. අපරාධයක් කිසියම් ඉහළ
තැනකින් පාසැල් ළමයෙකුට සිදු වූ විට බොහෝ මාධ්ය නිතැතින්ම ඒ සිසුවා දක්ෂතම හා
අහිංසක සිසුවෙකු බවට නිර්මාණය කරයි. එහෙත් මේ ඒ කෝණයකින් ඔහුගේ දක්ෂතාවය මවා පෑමක්
නොවේ. මෙම සිසුවා සැබවින්ම දක්ෂයෙකි. එකදු දිනයක් හෝ නොවරදවා පාසලට පැමිණයෙකි.
එසේම ඔහු පාසලේ හවස අමතර පන්ති වලටද සහභාගී වූවෙකි.පාසලේ සැවොම එක හෙළා කියන්නේ ඔහු
අති දක්ෂයෙකු බවයි. යහළුවෙකු මුණගැසීමට දෙහිවලට යනවා යැයි තම පියාට පවසා නිවසින්
පිටත්ව ගිය මලිත් නතර වූයේ දෙහිවල පොලිස්ථානයේ අපරාධකරුවෙකු ලෙසිනි.
කථාව අප දැන
සිටියේ පෙමණකි. කථාවේ ඉතිරි කොටස සොයා අප ගියේ පානදුර රාජකීය විද්යාලයටය. පානදුර
රාජකීය විද්යාලය වසර 35 ක් පමණ පැරණි සහ ළමුන් 4000ක් පමණ ඉගෙනුම ලබන ඉගෙනුම හා
ක්රීඩාවෙන් අති මහත් කීර්තියක් ලබා ගත් පාසලකි..
.අප රාජකීය
විද්යාලයට ඇතුළු වීමට යාමේදී අප ඉදිරියට පැමිණියේ මව පියා සමග පාසල් නිල ඇදුම
ඇදගත් සිසුවෙකි. අහිංසක පෙනුමකින් යුතු පාසල් සිසුවාව නතර කළ අප ඔහුගෙන් අසා
සිටියේ පොලිස්සියෙන් අල්ලාගෙන ගොස් ප්රශ්නයක් වූ සිසුවෙකු පිළිබදව දන්නේද
යනුවෙනි.ඔහුගේ දෙම්ව්පියන් අප පිළිබදව විමසිලිමත් වූ අතර පියා ප්රශ්න කිරීම ආරම්භ
කළේය. මොන පත්තරේද? ඇයි මෙහෙම විස්තර හොයන්නේ? ඔයාලට ඒකෙන් වෙන වාසිය මොකක්ද? යනුවෙන් ඔහු අප ප්රශ්න කළේය. ඔහු කවුදැයි විමසා
සිටීමේදී අප විස්මයට පත් වූයේ අප ඉදිරියට පැමිණ ඇත්තේ මලිත් හා ඔහුගේ මව් පිය දෙපළ යැයි දැනගත් නිසාය. පාරේ පසෙකට ගොස් ඔවුන්
සමග කථා කිරීමට ගත් උත්සාහ ව්යාර්ත වූයේ නඩු කියා ඔවුන්ගේ දරුවා බේරා ගැනීමට ගත්
නොමද උත්සාහය නිසා ඔවුන් මානසිකව මෙන්ම ශාරීරිකවද හෙම්බත් වී සිටි බැවිනි.
මේ නඩුවට
අපිට ලක්ෂ හතරහා මාරක් වියදම් වුනා. අපිට මේ ගැන තව කථා කරන්න දෙයක් නෑ.
පොලිස්සියේ ඕ අයි සී ට උසස් වීමක් අරගන්න අපේ ළමයා නොකළ වැරැද්දකට අල්ලගෙන නඩු
දැම්මා. පොලිස්සියේ සතියක් තියා ගත්තා. අපිට කිසිම දෙයක් ගැන විශ්වාසයක් නෑ. අපිව
මරලා දාන්නත් ඉඩ තියනවා. අපේ ජීවිත වලට තර්ජනයක්.
එසේ කියූ
මලිත්ගේ පියා අප මගහැර පිටව ගියේය. ඉන් පසු අප රාජකීය විද්යාලයට ගියේ මෙම කථාවේ
සත්ය අසත්යතාවය විමසා දැන ගැනීමටය. නියෝජ්ය විදුහල්පති තුමා ප්රථමයෙන් අපට හමු
විය. ඔහු අපව යොමු කළේ මලිත්ගේ පන්තිභාර ගුරුතුමිය වෙතටය. ඇය නමින් ශ්රියානි
ජයසිංහයි. ශ්රියානි ජයසිංහ ගුරුතුමිය මලිත්ගේ භෞතික විද්යා ගුරුවරිය හා පාසලේ
හොකී ක්රීඩා භාරව සිටින්නියද වෙයි. ඇය අපට පැවසූ කථාව බෙහෙවින්ම සිත් කම්පාවට පත්
කරවනා සුළුය.
මලිත් කියන්නේ
හොදට ඉගෙන ගන්න පුළුවන් දරුවෙක්.මේ සිද්ධිය වුනේ ජනවාරි මාසේ. ඉස්කෝළේ නිවාසාන්තර
ක්රීඩා උත්සවය පටන් ගත්ත කාලේ. උසස් පෙළ කරන ගොඩක් ළමයි ඉස්කෝළේ ආවේ නෑ. ඒත්
මලිත් එක දවසක් වරද්දන්නේ නැතුව ඉස්කෝළෙට ආවා. හැමදාම උදේට රෙජිස්ටරේ අරන් එන්නේ
මලිත් තමයි.ළමයි ආවේ නැති දවසක පන්තියටම හිටිය එකම ළමයා මලිත්. එදා මගෙන් හරියටම
පැය 4ක් එක දිගට භෞතික විද්යාව ඉගෙන ගත්තා. කොහොම හරි දවස් දෙකක් යනකල් මලිත්
ඉස්කෝළේ ආවේ නෑ. හරියටම නිවාසාන්තර ක්රීඩා උළෙල පටන් ගන්න දවසේ පොලිස් ජීප් එකක්
ඉස්කෝළේ ගේට්ටුව ළග නතර කරා. මම ඒ වේලාවේ තමයි ඉස්කෝළෙට ආවේ.මම එතන්ට ගියා. මං
දැක්කා මලිත්ට මාංචු දාලා ළමයව ජීප් එක පිටිපස්සේ දාගෙන තවත් පොලිස්සියේ කට්ටික්
එක්ක.මං ඇහුවා ඇයි කියලා. එතකොට මට කිව්වා මේ ළමයා හොරකං කරලා අහුවෙලා කියලා. මම ඒ
කථාව කීයටවත් විශ්වාස කරේ නෑ. එතකොට කිව්වා ඉස්කෝළේ ළමයි දෙන්නෙක්ට හොරකං කරපු ෆෝන්
දෙකක් ගෙනත් විකුණලා කියලා.ඒ ළමයින්වත් පොලිස්සියට අරන් යන්න ඕන කිව්වා.මං කිව්වා
ඉස්කෝළේ ළමයින්ව එහෙම පොලිස්සියට ගෙනියන්න දෙන්න බෑ කියලා.කොහොම හරි ඒ ළමයි
දෙන්නගෙන් අහද්දි ඒ ළමයි දෙන්නා කිව්වා පානදුරේට වඩා දෙහිවල හොද ෆෝන් කඩ තියන නිසා
අපි සල්ලි දුන්නා මලිත්ට ෆෝන් දෙකක් ගෙනත් දෙන්න කියලා. ඒ කියන්නේ මලිත් ෆෝන්
හොරකං කරා කියලා පොලිස්සියෙන් කිව්වේ බොරුවට.මම ඒ වෙලාවේ තමයි දන්නේ මලිත් දවස්
දෙකක් ඉස්කෝළේ ආවේ නැත්තේ ඇයි කියලා.කොහොම හරි මං කිව්වා පොලිස්සියට ඉස්කෝළේ
ඉස්සරහා ඉන්න එපා කරුණාකරලා යන්න අපිට බාධා කරන්න එපා කියලා. ඒත් ඒ අය ඇහුවේ නෑ. ඒ
නිසා මං විදුහල්පතිතුමාට මේ ගැන කිව්වා. විදුහල්පති තුමා අන්තිමට පොලිස්
නිලධාරීන්ට බැන්නා. ඊට පස්සේ තමයි එයාලා එතනින් ගියේ. මං තවත් ගුරුවරියක් එක්ක
දෙහිවල පොලිස්සියට එවේලේම ගියා මේ විස්තරේ මොකක්ද කියලා දැනගන්න. එතකොට මලිත්ව කූඩුවට
දාලා. පොලිස්සියෙන් කිව්වා මලිත් හොරකං කරනවා ගෙවල් වලට පනිනවා කියලා. මං කිව්වා
මේ ළමයා හරිම දක්ෂ ළමයෙක් ඒ නිසා මේ ළමයාට අවවාද කරලා යන්න දෙන්න කියලා. ඒ වෙලාවේ පොලිස්සියෙන්
මට පොරොන්දු වුනා එහෙම වැඩ කරනවා කියලා. ඒත් ඊළග දවසේ පත්තරේ තිබ්බා නිවුස් එකක්
පානදුර සුපිරි පාසලක ළමයෙක්ව ආයුධ එක්ක අත්තඩංගුවට පත් වෙලා කියලා. ඒ පත්තරේ ෆොටෝ
එකක් දාලා තිබ්බා ආයුධ පුරවපු මේසයක් ළග හිටගෙන දෙහිවල පොලිස්සියේ අය ගත්ත ෆොටෝ
එකක්. මම ඊළග දවසේ කාර් එක පිරෙන්න ඉස්කෝළේ ටීචර්ස්ලා දාගෙන පොලිස්සියට ගියා. අපිට
ඉදගන්න කියලා පොලිස්සියෙන් මලිත් ගැන අහන් ඉන්න බැරි තරං අපරාධ කථා කිව්වා. මං
ඇහුවා ආයුධ ගැන. එතකොට තමයි දන්නේ ඒ ආයුධ මලිත්ගේ ගෙදරින් හොයාගත්ත ප්ලාස්ටික්
සෙල්ලම් ආයුධ කියලා.ඒක හරිම විහිළුවක්. ඊට පස්සේ මලිත්ගේ බෑග් එක ගෙනත් පෙන්නුවා.
ඒකේ කොන්ඩම් පැකට් එකක් තිබුනා. ඒවා පොලිස්සියෙන් දාපු ඒවා. අපි ළග නැති පිහි මෙයා
ලග තිබුනා කියලා පොලිස්සියෙන් කිව්වා.මේ ළමයාට විරුද්ධව චෝදනා ගොඩක් ගල්කිස්සේ
පොලිස්සියෙත් කියනවා කිව්වා. මං කිව්වා මේ ළමයා අහිංසකයි. මේ වගේ බොරු චෝදනා දාන්න
එපා කියලා.
මිස් මෙයා දිහා බලන්නේ ළමයෙක් දිහා බලනවා වගේ.
ඒත් අපි බලන්නේ අපරාධකාරයෙක් බලනවා වගේ කියලා පොලිස්සියෙන් ඒ වෙලාවේ මට
කිව්වා.මලිත් හොරකං කරා කියලා එක එක බඩු ගෙනත් මේසෙන් තිබ්බා.එතන්ට කූඩුවේ හිටපු
මලිත්වත් ගෙනාවා. මලිත්ට කිව්වා මේ වැරදි පිළිගන්න කියලා. මලිත් කිව්වා මම කරපු
වැරද්දට අමතරව ඔයාලා කියන වැරදි පිළිගන්නේ නෑ කියලා. ඒ වෙලාවේ මලිත් මට අඩලා
කිව්වා මාව බේරගන්න කියලා. මම පුළුවන් තරම් මලිත්ගේ නිවැරිදි කම කියන්න උත්සාහා
ගත්තත් ඒක වැඩක් වුනේ නෑ.
මලිත්ට
පොලිස්සියෙන් ගහලා තිබ්බා..
මලිත්
පොලිස්සියට අභියෝග කරලා තියනවා “ මං හොදට ඉගෙන ගෙන ලොකු වෙලා නීතියෙන්ම ඔයාලාගෙන්
පළි ගන්නවා කියලා”
අන්න ඒ
අභියෝගෙටත් එක්ක මලිත්ට වද දෙන්නැති තවත්. කොහොම හරි සතියක් පොලිස්සියෙන් මලිත්ව
කූඩුවේ තියාගෙන තමයි උසාවියට ඉදිරිපත් කරේ
ඒ රාජකීය විද්යාලයේ
මලිත්ගේ පන්තිභාර ගුරුතුමිය වන ශ්රීයානි ජයසිංහගේ කථාවයි.
ඇයට සමු දුන්
අප ඉන් පසු හමු වීමට උත්සාහ ගත්තේ මලිත් විජේරත්න සිසුවා වෙනුවෙන් පෙනී සිටි නීතීඥ
ජානක අමරසිංහ මහතායි. අලුත් කඩේ උසාවි සංකීර්ණයේදී අපට ඔහු හමු විය.ඔහු හා ගත කළ
වේලාව තුළ මලිත් සිසුවා මුහුණ දුන් අවාසනාවන්ත ඉරණම අපට හෙළිදරව් විය.
මේ ළමයා මලිත්
විජේරත්න කියලා පානදුර රාජකීය විද්යාලේ ජීව විද්යා අංශයේ ළමයෙක්.දෙහිවල ගුවන්
පාලම මතදී දෙහිවල පොලිස්සියේ රථ වාහන අඅංශයේ සේවයේ නිරත වී සිටි නිළධාරියෙක්
2013-1-28 මේ ළමයාව අත්තඩංගුවට අරන් තිබුනා. උසාවියට ඉදිරිපත් කරලා තිබුනු චෝදනාව
වුනේ ජංගම දුරකථනය පිටුපස හෙරොයින් තිබුනාය කියලා.2013- 02-29 මේ ළමයාව උසාවියට
ඉදිරිපත් කරලා තිබ්බා.මං ඔය නඩුවට පෙනී සිටියේ 2013-02-12 වෙනිදා ගල්කිස්සේ
උසාවියට මලිත්ව ඉදිරිපත් කරපු අවසාථාවේ ඉදන්.නඩුවේ මුල් වතාවෙම අපි කියා සිටියා
හෙරොයින් ජාවාරම් කරා කියලා කියන චෝදනාව අසත්යයක් කියලා.ජාවාරම් කරා කියන්න සල්ලි
දුන්න කෙනෙක් හෝ අරගත්ත කෙනෙක් ගැන පොලිස්සිය සදහන් කරලා තිබ්බෙ නෑ. අත්තඩංගුවට ගත්තා යැයි කියන කුඩු මිලි ග්රෑම්
550 උසාවියට ඉදිරිපත් කරන්න පොලිස්සිය ප්රමාද වුණා.2013-2-19 නැවතත් මේ නඩුව
කැදවූ විට එදිනත් කුඩු උසාවියට ඉදිරිපත් කරේ නෑ. 19 වන දිනට පසු සත් දෙකක් ගත
වුනාට පස්සේ නඩුව ආයෙමත් කැදෙව්වා.පොලිස්සිය මූලික සාක්ෂි දිවුරුම් ප්රකාශය
උසාවියට ඉදිරිපත් කරේ නෑ. ළමයාගේ තාත්තා හරිම උනන්දුවෙන් අවශ්ය කරන නඩු වාර්තා
සියල්ල අදාළ තැන් වලින් ලබා ගත්තා.අපි දිව්රුම් ප්රකාශයේ පිටපතක් පොලිස්සියෙන්
ඉල්ලා සිටියම එය ලබා දීමේ ප්රමාදයක් තිබුනා.කෙසේ හෝ උත්සාහ කර එය ලබා ගැනීමෙන්
පසුව මට පෙනී ගියා එය කාබන් පිටපතක් කියලා.ඒ වගේම එහි යම් යම් ස්ථාන වල අංක වෙනස්
කර තිබ්බා.දිව්රුම් ප්රකාශයේ මලිත්ගේ නම සදහන් වෙලා තිබුනට කුඩු අල්ලාගත්ත
,වැටලීම් කළ හා අත්තඩංගුවට ගත් දිනය කියලා ස්ථාන 4කම සදහන් කරලා තිබ්බේ 2013- 1-19
වන දිනය.අධිකරණයට ඉදිරිපත් කරලා තිබුනු දිනය විදියට සදහන් වෙලා තිබුනේ 2013-01-20.
ඒ දිව්රුම් ප්රකාශය සම්පූර්ණ අසත්යයක් කියලා අපිට වැටහුනා.මාර්තු මස 19 වන දින
අප ඉල්ලීමක් කරා මේක බොරු නඩුවක් කියලා.ප්රධාන උප පොලිස් පරීක්ෂක අජිත් ගුණවර්ධන විසින්
ගොනු කරලා තිබ්බ දිව්රුම් ප්රකාශයේ හතර තැනකම දිනය වෙනස් කරලා තිබ්බත් ඒත් නඩුවේ
මුල සිටම පොලිස්සිය වාර්තා කර සිටිය දිනය වුනේ 2013-1-28. මේ දිව්රුම් ප්රකාශය
සත්යයක් නං පොලිස්සිය නීති විරෝධී විදියට මලිත් සිසුවාව රිමාන්ඩ් බාරයේ තබාගෙන
ඉදලා. එහෙමත් නැත්තම් මේ දිව්රුම් ප්රකාශය කූට ලෙස පොලිස්සියෙන් හදපු එකක්. ඒ
අනුව මේ නඩුව බොරු චෝදනාවක් සහිතව ගොනු කළ බොරු නඩුවක්.පොලිස්සිය විසින් ඉතා
ද්වේශසහගත ලෙස හා කූට ලෙස වෙනත් පුද්ගලයෙකුට ගොනු කළ දිව්රුම් ප්රකාශයක නම වෙනස්
කරලා මලිත් විජේරත්නව බොරු නඩුවක පටලවන්න උත්සාහ ගෙන තියෙනවා.නීතීඥ කුමුදු
කලංසූරිය මිය,නීතීඥ ගයා සිරිවර්ධන මිය සමග නීතීඥ මිහාර රන්දෙනිය මහතා මලිත්
විජේවර්ධන නිදොස් කරගන්න මේ නඩුවට මට සහය වුණා.මට මලිත්ගේ පියාගෙන් දැනගන්න ලැබුනු
විස්තරය තමයි දෙහිවල ගුවන් පාලම මත මලිත් සහ තවත් ළමයෙකු අත්තඩංගුවට ගෙන තියනවා.
අනිත් ළමයා ලැප්ටොප් එකක් හෝ පරිඝනක උපාංගයක් හොරකම් කරලා තියනවා. දෙදෙනාම
අත්තඩංගුවට අරගෙන පොලිස් ප්රධානියා වෙතට ගෙන ගියාම පොලිස් ප්රධානියා මලිත්ට බැන
වැදීමක් හා පහර දීමක් සිදු කරලා තියනවා. ඒ අවස්ථාවේදී මලිත් පොලිස් ප්රධානියාට
කියලා තියනවා මං උසස් පෙළ කරලා විශ්ව විද්යාලයේ ගිහින් ඔය මහත්තයට වඩා ලොක්කෙක්
වෙලා ඇවිත් ඔය මහත්තනයාගෙන් පළි ගන්නවා කියලා. මෙන්න මේ ප්රකාශය තමයි මලිත්ගෙන්
පළිගැනීමක් දක්වා ගිහින් තියෙන්නේ.
මෙවර උසස් පෙළ සදහා
සූදානම් වෙමින් සිටි මලිත්ට වැලිකඩ බන්ධනාගාර ගත වන්නට වූනේ කුඩු මිලි ග්රෑම්
550ක් ළග තබා ගත්තා යැයි පොලිස්සියෙන් ගොනු කළ නොකළ වරදකටය. ඔහුට පොලිස්සියෙන්
දුන් වද වේදනා දරාගත්තේද නොකළ වරදකටය. සමාජයේ විශාල ප්රමාණයෙන් හෙරොයින් සහ මත්
පෙති ගෙන්වනා සහ විකුණනා බලවතුන් සහ බලවතුන්ගේ පුත්තු නිදැල්ලේ හැසිරෙද්දී පොලිස්
දැලට හසු වීමට සිදු වූයේ මෙවර උසස් පෙළ ජීව විද්යා අංශයෙන් පෙනී සිටීමට උගත් දක්ශ
සිසුවෙකි. පාසල් සිසුවෙකුගෙන් මෙසේ දරුණු ලෙස පොලිස්සිය පළිගත පළමුවන සිදුවීම
ලෙසින් මෙම සිදුවීම ඉතිහාස ගත වනු ඇත.
මලිත් විජේවර්ධන සිසුවාට දෙහිවල ප්රධාන උප
පොලිස් පරීක්ෂක අජිත් ගුණවර්ධන ඇතුළු නිළධාරීන්ගෙන් සිදු වූ මේ අපහරණය මලිත්
සිසුවාට පමණක් සිදු වූවක් නොව. නීතිය අතට ගෙන හැසිරෙන නිල ඇදුම් දා ගත් නූගතුන්
පිරිසක් විසින් කළ සමාජයම අපහරණයකි. පාසල් සිසුවෙකුට මෙවන් ඉරණමක් ළගා කර දෙන්නට
තරම් නිල ඇදුම් දා ගත් මේ නිලධාරී පිරිස ම්ලේච්ච විය.
අවසානයේ මලිත්
විජේවර්ධනගේ පියාව අපට සම්බන්ධ කර ගැනීමට හැකි විය.මෙම සිද්ධියෙන් ඔවුන් පත් වූ
අසරණභාවය පිළිබදව ඔහු කියා සිටියේය.
මේ ළමයා අපිට
ඉන්න එකම ළමයා. මේ දරුවාට පොඩි කාලේ ඉදන් හොදට ඉගැන්නුවා. ඉරිදා දවසේ ළමයා
යාළුවෙක් හම්බෙන්න දෙහිවලට යනවා කිව්වා. මං කිව්වා ගිහින් කලින් එන්න කියලා මගේ
බිරිදගේ ජංගම දුරකථනය දරුවට දුන්නා. මෙයා හවස් වෙනකල්ම ගෙදර ආවේ නෑ. අන්තිමට මං
ෆෝන් එකට කථා කරාම ඒකට ආන්සර් කරේ පුතා වෙනුවට දෙහිවල පොලිස්සිය. අපිට කිව්වා පුතා
හොරකමකට අහු වෙලා කියලා. කලබල වෙන්න එපා කියලත් කිව්වා. අපි එවෙලෙම ලෑස්ති වෙලා
පොලිස්සියට ගියා. පොලිස්සියට ගිහින් හැම තැනම හෙව්වම පුතාව හම්බුනේ නෑ. අන්තිමට ට්රැෆික්
පොලිස් අංශෙට ගිහින් බැලුවහම ළමයා එතන ඕ. අයි. සී ළග මේසේ ළග ඉදගෙන හිටියා. මං ඇහුවා මොකක්ද මගේ
ළමයා කරපු වැරැද්ද කියලා. හොරකං කරා කියලා කිව්වා. තව කිව්වා විමර්ශනය කරන්න
තියනවා කියලා. අපිට ගෙදර යන්න කිව්වා. කොහෙම හරි අපිට ළමයව උසාවියට ඉදිරිපත් කරනවා
කියලාවත් කිව්වේ නෑ. අපි දන්න නීතීඥ මහත්තයෙක් හම්බුනා. ඒයා අපෙන් සල්ලිත් අරන්
පස්සේ නඩුවට මූණ දුන්නේ නෑ. පුතා වැලිකඩට දැම්මට පස්සේ අපි දන්න මානව හිමිකම් එකේ
වැඩ කරන මහත්තයෙක් හම්බෙන්න ගියා.ඒ මහත්තයා තමයි ජානක නීතීඥ මහත්තයට කථා කරලා මේ
සිද්ධිය කිව්වේ.හොරකම වෙනුවට මගේ ළමයා කුඩු තියාගත්තා කියලා චෝදනා කරලා. අපි දන්න
කෙනෙක්ව හම්බෙන්න ගියා.එයා දෙහිවල පොලිස් ලොක්කෙක්ට කථා කරාලා ඇහුවා ඇයි මේ ළමයට
කුඩු දැම්මේ කියලා. ළමයා උසාවියේදී කෑ ගහලා කිව්වා මගේ ළග කුඩු තිබ්බේ නෑ කියලා.
මගේ ළමයා පොලිස්සියේ ඕ අයි සී මහත්තයට කියලා ලොකු වුණාම ඉගෙන ගෙන මං මේකට නීතීයෙන්
පළිගන්නවා කියලා. ඒක ගැන පොලිස් නිලධාරීන් හිටියේ ලොකු තරහකින්. අපි පොලිස්සියට
ගියාම අපිට අපහාස කරා මේ ළමයා ලොකු වෙලා ඩොක්ටර් කෙනෙක් වෙලා අපි බෙහෙත් ගන්න
ගියොත් අපිට වැරදි බෙහෙතක් විදීයි කියලා.වැලිකඩ
ඉන්නකොට ළමයා දුක් විදලා ගොඩක්.අපේ ළමයාට මේ නිලධාරීන් කරේ මහා අපරාධයක්. මගේ ළමයා
සිගරට් එකක් වත් කටේ තියන්නේ නෑ. අන්තිමට කරපු නැති වැරැද්දකට මගේ ළමයාට වුනේ හිරේ
ලගින්න.හැම දවසක්ම වරද්දන්නේ නැතුව මං ළමයව බලන්න වැලිකඩට ගියා.එහෙම හැමදවසකම ගියේ
මගේ ළමයා මානසිකව වැටෙන එක නතර කරන්න. ළමයා නිදහස් වෙලා ඇවිත් කිව්වේ වැලිකඩ
බන්ධනාගාරය කියන්නේ පුදුම සමාජයක් කියලා. බන්ධනාගාරයෙන් දෙන තේකට සීනි එක්ක ලුණු
දාලා දෙනවා කියලත් තිබුනා. අපි මේ සිද්ධිය කිසිම තැනකට කිව්වේ නෑ. ඒ අපිට කරදරයක්
වෙයි කියලා. ළමයා දැන් පන්ති යන්නේ නෑ. පන්ති යන්න තරම් හොද මානසික තත්වයක නෙමේ
ළමයා ඉන්නේ.
මලිත් විජේවර්ධන
සිසුවාගේ පියා මලිත්ට සිදු වූ අසාධාරණය අපට කියූවේ එලෙසිනි. මෙම දෙමව්පියන් තම
දරුවාට සිදු වූ කටුක සිද්ධිය නිසා බොහෝ වද වේදනා විද තිබේ.දෙහිවල පොලිස්සියේ මෙම
සිදුවීමට අදාළ පොලිස් නිළධාරීන්ට ඔවුන්ගේ දරුවෙකුට මෙසේ සිදු වුවහොත් එම වේදනාව හා
අසරණ කම දැනේවිදැයි ඇත්තේ සැකයකි. දරුවන් සිටිනා හා දරුවන්ගේ වටිනාකම දන්නා
මිහිපිට කිසිවෙකුත් මෙවන් කෘර අපරාධයක් කිරීමට පෙළඹෙන්නේ නැත.
දෙහිවල
පොලිස්ථානයේ පොලිස් සැරයන් 8230 අංකය යටතේ සේවය කරන මුතු බණ්ඩා,පොලිස් කොස්තාපල්
89388 අංකය යටතේ සේවය කරන ධනුෂ්ක,පොලිස්
කොස්තාපල් 82503 අංකය යටතේ සේවය කරන කරුණාරත්න යන නිලධාරීන් විසින් දෙහිවල ගුවන්
පාලම අසළදී මලිත් සිසුවාව සැකකටයුතු පුද්ගලයෙකු පරික්ෂාකිරීම යටතේ අත්තඩංගුවට
ගන්නා ලදී. එම පරික්ෂා කිරීමේදී ඔහු සතුව තිබූ ජංගම දුරකථනයේ බැට්රිය යොදන කොටසේ
පිටුපස ඉඩෙහි සේලෝපේන් කොළයක ඔතන ලද කුඩු වර්ගයක් තිබී පරික්ෂා කිරීමේදී එම ද්රව්ය
නීති විරෝධී හෙරෙයින් බවට සොයා ගන්නා ලදී. පසුව හෙරොයින් ලග තබා ගත් වරදට
අත්තඩංගුවට ගෙන ඇත. මෙය 1984 අංක 13 දරන විශ වර්ග අබිං හා අන්තරාදායක ඖෂධ ආඥා පනතේ
54(අ) යටතේ දඩුවම් ලැබිය හැකි
මෙය මලිත් සිසුවාව රදවාගෙන විමර්ශනය කිරීමට
ගල්කිස්ස උසාවියට දෙහිවල පොලිස්සිය විසින් ඉදිරිපත් කරන ලද රදවාගැනීමේ අවසර පත්රෙයන්
උපුටා ගත්තකි. මේ සියල්ල පොලිස්සිය විසින් ගොතන ලද බොරු ප්රකාශය .පොලිස්සිය ක්රියා
කර ඇත්තේ නීතිය සුරකින රටේ වගකිව යුතු නිලධාරීන් ලෙසින්දැයි ප්රශ්න කිරීමට කැමැත්තෙමි.වෙනත්
පුද්ගලයෙකුට පැවරූ දිව්රුම් ප්රකාශයක් නිවැරිදි පුද්ගලයෙකුගේ නමට මාරු කිරීම අද
ඊයේ පොලිස්සිය සිදු කළ ක්රියාවක් නොවන බව මෙම සිදුවීමෙන් පෙනේ. මලිත් මුහුණ දුන්
මේ වේදනාකාරී භයංකර සිදුවීම ජීවිතය පුරා ඔහුගේ මතකයේ අදුරු සෙවනැල්ලක් මෙන් සටහන්
වී තිබෙනු ඇත. ඒ මතකයන් අතර වැලිකඩ බන්ධනාගාරය තුලදී ඔහුට විදින්නට සිදුවූ අති
වේදනාකාරී සිද්ධිද එකතු වී තිබෙනු ඇත. ඒ වන්දිය ගෙවන්නට රටේ නීතිය සුරැකීමට
දිව්රුම් දී ඇති බලධාරීන් ගන්නා පියවර කුමැක්දැයි අප බලා සිටින්නෙමු.මේ රටේ වැරදි
කළ පුද්ගලයින්ට නීතියේ ආරක්ෂාව ලැබී ඇති බවට උදාහරණ ඕනෑ තරම් අපට සොයා ගත හැකිය.
මේ පිළිබදව කථා කරන්නට හෝ පියවර ගැනීමට තරම් ඍජු කෂේරුකාවක් ඇති බලධාරියෙකු
සිටින්නේදැයි ගැටළුවකි. එසේ සිටියා නම් නීතිය මගින් සිදුකරන මෙවන් අපහරණ වලට
නැවතීමක් ලැබෙන්නේ කලකට පෙරය.
ලංකාවේ පොදු
ජනතාව නීතිය පිළිබදව දැනුවත් විය යුතුය. නිල ඇදුම් ඇද ගත් පමණින් එකී පුද්ගලයින්ට
බිය විය යුතු නැත.පොදු ජනතාව වන අපගේ සහයට නීතිය ක්රියාත්මක වනු මිසක මහජනයා
අපහරණයට ළක් කිරීමට නීතියට අයිතියක් නැත. මිනිසුන්ගේ මානව අයිතිවාසිකම් කඩ කිරීම
නීතීය අතට ගෙන හැසිරෙනා පුද්ගලයින්ට අයිතියක් නැත. නීතිය ප්රශ්න කිරීමට ඔබට
අයිතිවාසිකම් ඇත. පොලිස් වද හිංසා විදගනිමින් පොලිස් රිමාන්ඩ්බාරයේ සහ වැලිකඩ
බන්ධනාගාරයේ හිරබත් කෑ මලිත් විජේරත්න සිසුවා නඩුව අවසන් වන තුරුම නොකළ වරදක්
පිළිගත්තේ නැත.ඔහු තම අයිතීන් වෙනුවෙන් සටන් කළේය. ආයුධ සමග සිසුවෙක් අත්තඩංගුවට
පත් වූවායි සිරස්තල දමා පුවත් පළ කරනා මාධ්යට මෙයට වඩා සමාජය සහ මහජනතාව පිළිබදව
වගකීමක් සහ ගරු කිරීමක් තිබිය යුතුය.
ඔබ පොලිස් අත්තඩංගුට පත් වූ විට නීතීඥයෙකුගේ සහය ලැබෙන තුරු කිසිදු ප්රකාශයක් නිකුත් නොකිරීමට ඔබට අයිතියක් ඇත.
මානව
අයිතිවාසිකම් බිහි වූයේ සමාජයේ මිනිසුන් ලෙස නිදහස්ව නැගී සිටීමේ ඇති අවශ්යතාවය මූලික
කරගෙනය.
ඔබට හිමි වී
ඇති මානව අයිතිවාසිකම් මත නොමනා ලෙසට සමාජයේ නීතිය හෝ වෙනත් බලවේගයක් විසින් ඔබව
අපහරණයට ළක් කිරීමක් සිදු කරනවා නම් එයට සටන් වැදීමට ඔබට අයිතියක් ඇත. ඔබ ජීවත් වි
යුත්තේ නීතිය හා තමන්ට හිමි වී ඇති මානව අයිතිවාසිකම් පිළිබදව මූලික අවබෝධයක්
සමගය. එසේ නොමැති වුවහොත් ඔබ පමණක් නොව ඔබේ දරුවාද සමාජයේ නෙපහත්නම් වල ගොදුරක්
විය හැකිය.
(නීති ආධාර
කොමිෂන් සභාව ,අංක
129/5,මහාධිකරණ සංකීර්ණය,අළුත්කඩේ,කොළඔ 12. යන ලිපිනයට ලිවීමෙන් හෝ 0094-11-2433618, 0094-11-5335329, 0094-11-5335281, 0094-011-2395894 යන අංක වලට
අමතා නීතිමය කරුණක් පිළිබදව විමසා දැනුවත් විය හැකිය. )
(2013-04-07 වන දින රන්දිව පුවත්පතෙහි පළ වූවකි.)
